Еден од најдобрите македонски ракометари, Стојанче Стоилов, демонстративно ја напуштил манифестацијата „Спортист на годината“, што се одржа во хотелот „Александар палас“ во Скопје. Организатор на оваа манифестација е Агенцијата за млади и спорт, а годинава лауреати беа Емил Павлов и Сара Ристовска.
Првите две награди во категориите за училишен и средношколски спорт заминале кај училишта од Чаир и од Тетово, а кога еден од добитниците на присутните им се обратил на албански јазик, Стоилов станал и демонстративно заминал од салата.
Инаку, синоќешната церемонија беше двојазична, поради што добитниците на наградите од Чаир и Тетово на присутните им се обратиле на албански јазик.
Наводно, Стоилов во „вибер-групата“ на репрезентативците, напишал дека се „чувствувал понижени и засрамено“.