Филип Талески има нов клуб. Македонскиот репрезентативец по две и пол години реши да замине од Рајн Некар Левен, но ќе остане во Бундес лигата откако ја прифатил понудата од Балинген.
Талески со екипата од Манхаjм освои по една титула во првенството и Купот на Германија, но не доби шанса да настапува во континуитет. Поради тоа тој со клубот спогодбено го раскинал договорот и веднаш ја прифатил понудата од Балинген.
Filip Taleski verlässt Rhein-Neckar Löwen mit sofortiger Wirkung – alle Infos zur Meldung: https://t.co/dyE0KNN2WZ#1team1ziel https://t.co/eC8CXC2YLo
— Rhein-Neckar Löwen (@RNLoewen) August 20, 2019
„Се решив за нов предизвик и за Балинген затоа што тука гледам шанса да играм. Со нетрпение го чекам тој момент“, рекол левиот бек на новиот член на Бундес лигата.
Инаку, Талески за новиот клуб ќе дебитира в четврток против Магдебург чии член од оваа сезона е поранешниот соиграч на Талески од Металург, Филип Кузмановски.