Top Sport

Тренерот Давид Дејвис прв ќе го напушти Вардар

Ракометниот првак Вардар 1961 доби суспензија од ЕХФ за настап во Лигата на шампионите следната сезона, поради неподмирени стари долгови кон играчи и поранешни членови на клубот. Оваа одлука секако ќе предизвика многу бура во клубот и поголем дел од ракометарите размислуваат за заминување.

dobivaj vesti na viber

Се чини дека прв ќе замине тренерот Давид Дејвис, кој не би имал предизвик да остане и да се натпреварува со тимот само во домашното првенство и во Купот.

Дејвис подолг период водеше и преговори за нова соработка, но не успеа да се договори поради несогласувања во однос на платата што треба да ја заработува. Новата ситуација сигурно ќе влијае негативно и можно е тој прв да повлече нога од „Јане Сандански“.

Вардар договори и три нови засилувања за новата сезона, Дуарте, Цехте и Андреев, но прашање е дали и тие ќе се согласат да дојдат со оглед дека клубот нема да се натпреварува во Лигата на шампионите.

Фото: RK Vardar 1961

Scroll to Top