Ракометниот клуб Вардар 1961 ќе биде единствениот македонски претставник во Лигата на шампионите. Европската ракометна федерација (ЕХФ), потврди дека Вардар 1961 е еден од десетте тимови кои наредната сезона ќе играат во елитното натпреварување.
Покрај Вардар 1961, сигурно место во елитата имаат Загреб, Алборг, Барселона, ПСЖ, Кјелце, Порто, Пик Сегед, Кил и Фленсбург.
Шест клуба ќе ја комплетираат листата на учесници во Лигата на шампионите. За шестте места пријави поднеле 12 клубови: Веспрем, Монпелје, Мешков Брест, Елверум, Висла, Спортинг Лисабон, Горење Велење, Савехоф, Мото Запорожје, Кадетен Шафхаузен и Динамо Букурешт.
Конечната одлука ќе биде донесена на 28 јуни, а жрепката за новата сезона е закажана за 2 јули.
Фото/rkvardar.mk