Македонскиот ракометен првак Вардар денеска (18.45 часот) во СЦ „Јане Сандански“ ќе ге пречека Весепрем во првиот натпревар од осминафиналниот дуел во Лигата на шампионите. Тренерот Давид Дејвис, по подолг период, на располагање ќе го има најдобриот состав.
Вардарци немаат проблеми со ростерот. Веспрем исто така ќе биде во полн состав, со оглед дека и Данецот Лауге, кој имаше проблеми со повреда, е уфрлен во тимот на Унгарците.
