Маверик Вињалес го совлада колегата од Јамаха, Валентино Роси за да биде најбрз на вториот ден од тестирањето во Сепанг, Малезија.
Вињалес, кој беше само 13. во првиот ден кога се концентрираше на симулации на трки, во последните минути од понеделничкиот тест постави најдобар круг од 1:59.355, поминувајќи го Роси за само 0.035 секунди.
Трето најдобро време имаше Британецот Кал Крачлоу од ЛЦР Хонда, пред Хорхе Лоренцо (Дукати), Џек Милер (Прамак Дукати), Јохан Зарко (Тех 3 Јамаха) и незадоволниот светски шампион Марк Маркез на Хонда. Топ 10 ги комплетираа Довициозо (Дукати), Петручи (Прамак Дукати) и Андреа Јаноне (Сузуки).
A frantic end to the second day of the #SepangTest as Rossi, Viñales and Crutchlow trade the top spot! ?
Top 10 on day 2: ?
1. Viñales
2. Rossi
3. Crutchlow
4. Lorenzo
5. Miller
6 Zarco
7. Marquez
8. Dovizioso
9. Petrucci
10. Iannone pic.twitter.com/zl4JGMd0wn— MotoGP™??⏱ (@MotoGP) January 29, 2018
Шампионот Маркез призна дека не можел да одржи постојана брзина со новата шасија на Хонда иако имал подобрена работа на сопирачките.
„Главната цел беше да се подобрат работите и да се има поголема потисна сила, бидејќи така имаш поголема брзина. Стабилноста на сопирачките е подобрена, но на брзите кривини влегуваш премногу цврсто. Искрено се плашам за ваков развој на настаните, но затоа тестираме за да ги надминеме проблемите“, изјави Маркез.
