Top Sport

Facebook Twitter

Не му доаѓа умот – Кирјос кршеше рекети, се расправаше и го навредуваше судијата (видео)

Микс Makfax / 15.08.2019

Ник Кирјос повторно е во центарот на вниманието поради погрешни работи. Австралискиот тенисер влезе во нова остра пресметка со судијата Фергус Марфи, која кулминираше со навреди и плукање кон судијата, по што повторно го очекуваат казни од АТП.

Кирјос избувна на крајот на вториот сет од мечот на Мастерсот во Синсинати против Русинот Карен Хачанов, по што не успеа да ги смири нервите – скрши два рекети при паузата за тоалет која судијата не му ја дозволи, а потоа го нарече судијата „ебан глупак“ по 6:7(3)/7:6(4)/6:2 поразот од Хачанов.

Претходно, 24-годишниот Кирјос кој имаше лошо искуство со Марфи го нарече „најлошиот судија во тенисот – секогаш кога играм ти правиш глупави срања“.  Од друга страна Хачанов остана смирен и обезбеди пласман во третото коло.

Кирјос најмногу се налути за инсистирањето на судијата да побрза со својот сервис, по што го посочи Рафаел Надал како тенисер кој е познат по спората подготовка, но никогаш не добива казни.

„Дали Рафа игра толку бргу? Најди ми снимка каде што Рафа игра толку бргу и никогаш нема да ја отворам устата“ го праша тој судијата.

Scroll to Top