Пари Сен-Жермен пратиле јасна порака до Реал Мадрид, дека ако доколку сакаат да го донесат Нејмар на „Бернабеу“ во зделката мораат да го вклучат Винисиус Жуниор, јавува шпанскиот весник „АС“.
Францускиот шампион игра „црвсто“ со Реал и со Барселона во преговорите за добивањето на потписот на бразилскиот ас, кој повторно беше изоставен од тимот на ПСЖ за лигашкиот меч против Тулуз во неделата.
Ова не е првпат ПСЖ да пројават интерес за Винисиус, дури и пред доаѓањето на Леонардо како нов спортски директор, и наводно веќе пратиле три понуди за неговиот потпис, но постојано биле одбивани од Реал, кои во Винисиус гледаат како на фудбалер за иднината.
Ова е уште еден пресврт во сагата околу трансферот на Нејмар, кој јасно порача дека му е смачено во Париз, но во исто време Реал и Барселона не се подготвени да платат околу 200 милиони евра колку што бара францускиот клуб, барајќи алтернатива со вклучување на други фудбалери во „дилот“.