Роберт Просинечки ќе остане селектор на фудбалската репрезентација на Босна и Херцеговина и покрај катастрофалните квалификации за Европското првенство во 2020 година, одлучи извршниот одбор на Фудбалската федерација.
Федерацијата застана зад популарниот „Жути“ и по 2:1 поразот од Грција со кој тие ги загубија шансите за пласман на Евро 2020, а исто така го разубедија да си даде оставка по 4:2 поразот од Ерменија пред неколку месеци.
Просинечки ќе ги води БиХ на последните два меча од квалификациите против Италија и Лихтенштајн, како и во баражот на Лигата на нации.
„Селекторот треба да направи план за последните два натпревари од квалификациите како и за баражот во март 2020. Советникот на репрезентацијата, Звјездан Мисимовиќ останува на својата позиција“, велат од федерацијата.