Робер Пирес поранешен фудбалер на Арсенал и репрезентација на Франција за „Франс Фудбал“ од своите поранешни соиграчи составил идеален тим.
„Јас сум стар човек. Поради тоа ја бирам формацијата 4-4-2“, рекол Пирес.
На голот е Фабијан Бартез, а тројца од четворица во одбраната се поранешни колеги од репрезентацијата (Лилијан Турам, Марсел Десаи и Лоран Блан). Лев бек е Ешло Кол соиграчот од Арсенал.
Во редот за врска се Жилберто Силва и Патрик Виера, Зинедин Зидан и единствениот играч во овој тим што го состави Пирес а се уште е активен, Санти Казорла. Пирес и Казорла заедно играа во Вилјареал.
Во нападот се Тиери Анри и Денис Беркамп.