Баерн Минхен како и повеќето бундеслигашки тимови се врати на тренинзи, секако со почитувањето на мерките за заштита во група од пет фудбалери (на далеќина од 1.5 метри), а клубот им приреди чудно изненадување – огромна „мета“ за пикадо каде што ја тренираа прецизноста.
Голманите Мануел Ноер и Свен Улрајх имаа први шанса да се обидат со огромната мета на сончев ден во Баварија, а потоа им се приклучија и Левандовски, Тијаго, Милер и Гнабри. Тренерот Ханси Флик беше задолжен да ги собира топките од метата со мрежа.
Според шефот на Бундеслигата, Кристијан Зајферт, планот е лигата да се рестартира на почетокот на следниот месец, иако за тоа ќе има посебен состанок на 30 април.
