Фаворитите немаа проблем во првиот европски тест, односно првото квалификациско коло за Лигата на шампионите, забележувајќи убедливи победи над реално послабите противници.
Селтик со 6:0 го „збриша“ исландскиот шампион КР Рејкјавик, а ниту Црвена звезда не „попушти“ на Европа од Гибралтар стигнувајќи до 5:0 победа. Белорускиот Динамо Брест пак, неочекувано со 6:3 ги „здроби“ богатите Астана, а претходно и македонскиот претставник, Силекс загуби убедливо со 4:0 кај Карабаг. Само Легија Варшава имаше малку повеќе мака против шампионот на Северна Ирска, Линфилд, победувајќи со 1:0.
ЛИГА НА ШАМПИОНИ, 1.КВАЛИФИКАЦИСКО КОЛО
Карабаг (Азе) – Силекс (Мкд) 4:0
Легија Варшава (Пол) – Линфилд (СИр) 1:0
Динамо Брест (Блр) – Астана (Каз) 6:3
Селтик (Шко) – КР Рејкјавик (Исл) 6:0
Црвена звезда (Срб) – Европа (Гиб) 5:0