33-годишната Јуки Нагасато, освојувачка на Светското првенство со Јапонија во 2011 година, ќе стане првата жена која заиграла во машки тим, откако направи трансфер од американскиот Чикаго ред старс во Хајабуса илевен како позајмена фудбалерка.
Машкиот тим на Хајабуса игра во регионалната лига, која е неколку лиги зад Џеј-лигата, но Нагасато вели дека ова е остварување на сонот.
„Сакам да им пратам порака на сите девојки кои играат фудбал со машките, дека и за нив има можност да продолжат така. Не знам како ќе играм со машките фудбалери, но подготвена сум за тоа искуство“, вели Нагасато.
Во нејзиниот трансфер помогнал нејзиниот постар брат Генки Нагасато, кој е фудбалер на Хајабуса.
„Повеќе од десет години таа ми велеше дека нејзиниот сон е да игра во машки тим. Како постар брат, сакав да помогнам да го оствари тоа“, вели Генки Нагасато.
永里優季選手加入決定！！！
女子サッカー界のレジェンドの加入で、厚木に元気と勇気をお届けします！
男性チームに女子選手が混ざると言う、永里選手の歴史的挑戦を是非応援してください！#はやぶさイレブン #永里優季@Yuki_Ogimi pic.twitter.com/3VH9kOwcxH— はやぶさイレブン【公式】 (@hayabusaeleven) September 9, 2020