Франција се приклучи на Данска, Шведска и Шпанија во борбата за медали на Светското првенство во Египет, откако „триколорите“ прво направија пресврт за да го загубат водството во последните минути од мечот, за потоа во продолженија со 35:32 да ја совладаат Унгарија.
Унгарците имаа одличен старт, користејќи ги сите грешки на тимот на Гијом Жил за предност од шест гола, но Франција се врати за два гола негатива на полувреме. Првото водство тие го имаа во 40-тата минута, за да влезат во серија и да направат три гола разлика, која Унгарците сепак ја стигнаа и примораа продолженија. Таму, тие доминираа и се пласираа во полуфиналето, каде што ќе играат со Швеѓаните.
СП ЕГИПЕТ 2021, ЧЕТВРТ-ФИНАЛЕ
Данска – Египет 39:38 (16:13, 12:15. 7:7, 4:3)
Франција – Унгарија 35:32 (12:14, 5:2)
Шпанија – Норвешка 31:26 (21:15)
Шведска – Катар 35:23 (14:10)
ПОЛУФИНАЛЕ
Данска – Шпанија
Франција – Шведска