Тренерот на Болоња, Синиша Михајловиќ доби пријатно изненадување, откако неговата ќерка Виргинија потврди дека е бремена и на социјалните мрежи ја сподели реакцијата на српскиот тренер.
Виргинија е во врска со италијанскиот У-21 репрезентативец, фудбалерот на Порденоне, Џанлука Вољако, инаку продукт на академијата на Јувентус. Тие се заедно од времето кога 22-годишниот Вољако играше за Примавера тимот на Јувентус.
„Се шегуваш? Мислиш сега, оваа година? Ми се плаче“, вели изненадениот 52-годишен Михајловиќ.
Ова е најдобрата можна вест за него, посебно откако во 2019 година му беше дијагностицирана леукемија, за која беше на две тури хемотерапија и преседување на коскена срж.