Еден од дресовите направени за француската фудбалска легенда Зинедин Зидан за финалето на СП 1998 година во Франција е продаден за повеќе од 100.000 долари во Лос Анџелес, објави американска аукциска куќа.
Аукцијата била одржана минатиот викенд на Беверли Хилс, но по пат на интернет, а дресот на Зизу е продаден за 108.800 долари, пренесува француски „Монд“.
Автентичноста на дресот ја потврдија од ФИФА и од „Адидас“, но од аукциската куќа не знаеле дали толку тој дрес го носел фудбалерот на финалниот меч во кој „триколорите“ сo 3:0 го совладаа Бразил. Во првото полувреме токму Зидан постигна два гола.
Во октомври 2018 година париската аукциска куќа „Coto-Begari“ неколку дена пред аукцијата морала да повлече дрес на Зидан кој го носел во финалето затоа што имало сомнеж за автентичноста.