Менаџерот на Манчестер јунајтед, Оле Гунар Солскјер дебитираше за „црвените“ пред точно 25 години, и навивачите се потсетија на неговиот единствен црвен картон во кариерата, против Њукасл во сезоната 1997/98.
При 1:1 резултат, Јунајтед се обидуваше да дојде до победнички гол од корнер, но Њукасл успеаја да ја исфрлат топката далеку од голот, и Роб Ли имаше слободен пат до голот на „ѓаволите“, каде што беше Рајмонд ван дер Гоув.
Бидејќи беше јасно дека не може да го стигне, Солскјер направи очајнички потег и веднаш доби црвен картон, но и аплаузи од публиката. Сепак, Сер Алекс Фергусон не беше толку позитивен, решавајќи да го казни Норвежанецот со одземање на двонеделна плата и со порака: „Во Манчестер јунајтед не победуваме така“.
Минатогодишниот Суперкуп на Шпанија донесе „копија“ на овој фаул – Федерико Валверде доби црвен картон при 0:0 помеѓу Реал Мадрид и Атлетико Мадрид, спречувајќи сигурен гол. Тој наместо критики ја доби наградата за најдобар играч на мечот, и пофалба од противничкиот тренер, Диего Симеоне.
Federico Valverde with Possibly the greatest professional foul the game has ever seen in the last few minutes of the Copa Del Rey final when it was 0-0. pic.twitter.com/paE1MTvlmD
— betclever (@bet_clever) January 12, 2020