Top Sport

Facebook Twitter

Прв работен ден – Дали Солскјер му дели лекција на Роналдо?

Фудбал ТОП Makfax / 07.09.2021

Иако порано беа соиграчи, сега само еден е шеф! Ова треба да е заклучокот од интересните фотографии кои ги објави Манчестер јунајтед по враќањето на тренинзи на Кристијано Роналдо и неговата средба со Оле Гунар Солскјер.

Иако беше блиску до трансфер во лутите ривали Манчестер сити, 36-годишниот Роналдо се реши да се врати „дома“, на стадионот каде што почна неговата вистинска фудбалска приказна и веќе во сабота треба да дебитира против Њукасл јунајтед во меч кој веќе е распродаден.

Фотографијата на која Солскјер со прст му објаснува нешто на Португалецот, предизвика огромен број на реакции на социјалните мрежи – од тоа дека ова бил моментот кога Кристијано сфатил дека напраивл „фатална грешка“, до тоа дека Солскјер му објаснува дека освојувањето титули веќе не е приоритет на „ѓаволите“.

„Што овој човек може да му каже на Роналдо“, беше еден од најинтересните коментари.

Scroll to Top