Анет Контавејт и Гарбиње Мугуруса ќе се борат за титулата на Завршниот мастерс во женска конкуренција.
Контавејт, во полу-финалето, против Марија Сакари ја потврди добрата форма. Естонката славеше, по два часа игра, славеше со 6/1, 3/6, 6/3.
Контавејт во мечот направи четири брејка, во исто време два пати не успеа да го задржи својот сервис.
Во финалето Контавејт ќе игра против Мугуруса, која ја доби шпанската пресметка, со Паола Бадоса.
Мугуруса доминираше во текот на целиот меч, ја доби сонародничката со 6/3, 6/2.
Контавејт и Мугуруса прв пат ќе играат во финалето на Завршниот мастерс во сезоната.