Кошаркарот на Атланта Хос, Тре Јанг, одигра брилијантно во поразот на неговиот тим од Портланд 131:136.
Јанг забележа личен рекорд од 56 поени. Ниту еден играч од почетокот на сезоната не стигнал до оваа бројка. Од поле, бекот на Хокс, погоди 17 од 26.шутеви (7/12 тројки), забележа 14 асистенции и четири скока.
Јанг со оваа своја партија влезе во ексклузивниот клуб на кошаркари, кои одиграле натпревар со повеќе од 55 поени и 10 асистенции. Во овој клуб се Оскар Робертсон, Мајкл Џордан, Тони Паркер, Расел Вестбрук и Џејмс Харден (три пати).
На спротивната страна фантастичен меч одигра младиот Енферни Симонс. Тој постигна рекордни во кариерата 43 поени, на кои придодаде седум асистенции. Симонс е најмладиот играч во историјата на Портланд кој стигнал до овие бројки.