Пол Погба нема намера да изврши предавство и да се пресели од Манчестер јунајтед во редовите на градскиот ривал Сити.
Минатата недела, неколку англиски медиуми, објавија дека Пеп Гвардиола сака да го донесе Погба на „Итихад“.
Францускиот репрезентативец, по шест години, без оштета ќе го напушти „Олд Трафорд“. Јунајтед во 2016 година за Погба платија 105 милиони евра.
Претпладнево, новинарот на „Атлетик“, Дејвид Орнштајн, објави дека Погба нема да ја продолжи кариерата во Манчестер сити бидејќи не сака да им замери на „црвените ѓаволи“.
Наводно, Погба има неколку интересни понуди на маса, а неговиот агент моментално преговара со ПСЖ, Јувентус и Реал Мадрид. Погба се уште нема донесено никаква одлука и тоа ќе го направи дури на крајот на сезоната.