Бразилскиот напаѓач Габриел Жесус ќе го напушти Манчестер Сити ова лето откако во клубот дојде норвешката ѕвезда Ерлинг Халанд. Јасно е дека сега минутажата на Бразилецот ќе биде многу помала, па затоа тој и бара дозвола да замине.
Сепак, Манчестер Сити нема да дозволи да се раздели со Габриел Жесус без соодветна отштета. Раководството на Манчестер Сити ја одреди цената за напаѓачот и таа изнесува 50 милиони евра.
„Граѓаните“ сигурно ќе сакаат да се разделат со Бразилецот ова лето, затоа што следното тој би можел да си замине како слободен агент, со оглед дека му истекува договорот.