Фудбалерот на Ливерпул, Вирџил ван Дијк рекол дека знае како да го запре напаѓачот на Манчестер сити, Ерлинг Халанд. Ливерпул, викендов во дербито ќе го пречека Сити.
Халанд оваа сезона постигна 20 гола на 13 натпревари за Сити во сите натпреварувања. Во Премиер лигата на девет натпревари постигна 15 голови.
„Дефинитивно не е лесно да се игра против Халанд, кој е во неверојатна серија. Нема тука што да се каже. По Суперкупот многумина го отпишаа, но уште тогаш реков дека овој играч ќе биде кошмар за противничките одбрани. И сега тоа го покажува во континуитет, и јасно е дека во тим како Сити ќе има шанси за голови“, изјави Ван Дијк.
Тој истакна дека играчите на Ливерпул мора да ги запрат топките, кои одат кон норвешкиот напаѓач.
„Мораме да се браниме на највисоко ниво и да бидеме добри. Тоа секогаш го правиме против Сити, така што оваа недела нема да биде поинаква. Со нетрпение го очекуваме дербито и ова дефинитивно нема да биде судир меѓу мене и него, туку меѓу нас и нив. Сакаме да ги спречиме да постигнуваат голови, без разлика кој е на теренот. Знаеме дека Халанд е многу добар“, заклучи Ван Дијк.
Натпреварот помеѓу Ливерпул и Манчестер Сити се игра во недела од 17:30 часот на стадионот „Енфилд Роуд“.