Флојд Мејведер, еден од најдобрите боксери на сите времиња и веројатно најбогат спортист на планетата, најде оригинален начин да заработи огромна сума на пари. Поранешниот шампион бараше милион долари само за да се јави на телефон за да договори егзибициска борба со ѕвездата на „јутјуб“, Деџи Олатунџи, на 13 ноември во Дубаи.
„Ми се јавија организаторите и ми рекоа дека сакаат да ме видат во Емиратите. Им реков дека нема да разговарам додека не се изврши уплатата. Кога видов дека е платено, можевме да започнеме преговори“, изјави Флојд „Мани“ Мејведер.
Од неговото пензионирање, Мејведер заработи повеќе од 110 милиони долари од егзибициски борби.
„Не сакам повеќе да се борам. Егзибициите ме радуваат, се додека носат ваков профит“, изјави Мејведер.