Светското првенство во Катар започнува на 20. ноември со натпреварот меѓу домаќинот Катар и Еквадор. Светската шампионска титула освоена во Русија пред нешто повеќе од четири години ќе ја брани селекцијата на Франција која на Мундијалот ќе пристигне без еден од најважните играчи потврди селекторот Дидие Дешамп.
Франција е во групата Д заедно со селекциите на Австралија, Данска и Тунис и секако е фаворит за пласман во осмина-финалето, но и еден од фаворитите за освојување на титулата.
Триколорите ќе го отворат натпреварувањето на 22. ноември против Австралија.
Тренерот Дидие Дешамп списокот за Катар ќе го објави на 9. ноември, а на него ќе го нема Н’Голо Канте.
„Што се однесува до Мајк Мањан и Рафаел Варан, кои се повредени, денеска не можам да одговорам бидејќи ги немам сите елементи, но вратата останува отворена за нив. Единствениот за кого е затворена вратата е Канте. За останатите ќе треба да видиме каква е ситуацијата со нивните повреди“, изјави Дешам.
Да потсетиме, Канте неодамна ја оперираше тетивата и ќе отсуствува најмалку четири месеци, односно барем до февруари 2023 година.