Контроверзниот бизнисмен и поранешен италијански премиер Силвио Берлускони, кој стана познат како газда на Милан, а сега е сопственик на италијанскиот прволигаш Монца, на божиќната вечера на клубот им даде посебно ветување на играчите. Ако успеа да победат на натпревар против Милан или против Јувентус, ќе ги чека загарантирана забава и задоволство.
„Најдовме добар, пријателски настроен тренер кој може да ги мотивира нашите момчиња. Ако ги победите Милан или Јувентус, од мене ќе ве чека автобус полн со проститутки“, изјави Берлускони и добро ги насмеа сите.
По заминувањето на Џовани Стропа, тимот од септември го предводи италијанскиот тренер Рафаеле Паладино. Монца оваа сезона влезе во Серија А и по 15 кола се наоѓа на 14. позиција со 16 бода, што е девет повеќе од зоната за испаѓање во овој момент.