Кошаркарскиот вицепрвак Пелистер доживеа убедлив пораз (87:69) од Борац Бања Лука во шестото коло од АБА 2 лигата на Златибор.
Борац по првата четвртина имаше предност од шест поени (22:16), а на полувремето веќе создаде двоцифрена разлика (48:32).
Третиот период повторно му припадна на ривалот и мечот беше решен.
Јан Ребец со петнаесет поени беше најефикасен во таборот на победникот, додека кај Пелистер, Донтеј Карутерс го заврши мечот со 19 кошеви.