Вториот дел од сезоната во германската Бундеслига започна вечерва и покрај најавите за екстремно студено време во северна Европа во следните денови, со интересно 1:1 реми помеѓу РБ Лајпциг и актуелниот шампион, Баерн Минхен.
Баварците во 30. минута постигнаа гол преку Леон Горецка, но тој беше поништен поради офсајд, за седум минути подоцна, Ерик-Максим Чупо-Мотинг да ги донесе во водство гостите. Лајпциг успеаја да се вратат во второто полувреме преку Марсел Халштенберг.
Баерн останува лидер на Бундеслигата со 35 поени, пред Фрајбург со 30 (и натпревар помалку), додека Лајпциг се трети со 29 поени.
Standings provided by Sofascore