Top Sport

Facebook Twitter

Бејдер го прати Федор во пензија со нокаут во првата рунда

Микс ТОП Makfax / 05.02.2023

„Последниот император“, Федор Емелианенко замина во пензија со пораз во првата рунда од Рајан Бејдер на Белатор 290 во Инглву, Калифорнија. Вториот меч помеѓу двајцата фајтери заврши исто како првиот (во кој Емелианенко беше нокаутиран за 35 секунди), иако овојпат 46-годишната руска ММА легенда издржа повеќе.

Шампионот во тешка категорија, Бејдер започна моќно од почеток, праќајќи го Емелианенко на под, и по една минута удари, судијата го прекина мечот.

„Тажно е што немав меч каков што очекував, но пресреќен сум од поддршката која ја добив од сите и легендата со која делев ринг 20 години. Ви благодарам“, изјави Федор по мечот.

Русинот е сметан за вистинска легенда на ММА борбите, откако од 2000 до 2010 година загуби само еден меч во „Прајд“ федерацијата, која во тој момент ги имаше најдобрите фајтери. Тој никогаш не влезе во УФЦ федерацијата, и ја завршува кариерата со 40-1-7 скор.

Scroll to Top