Италијанската скијачка Марта Басино го направи првото големо изненадување на Светското првенство во алпско скијање, откако го освои златниот медал во женскиот супервелеслалом. На овој начин на Италија и донесе второ злато на шампионатот во Франција, каде пред два дена во алпска комбинација триумфираше Федерика Брињоне.
Басино максимално ги искористи своите велеслаломски вештини за да ја освои титулата во супервелеслалом.
Со задоцнување од 11 стотинки зад победничката, второто место го освои Американката Микаела Шифрин.
На делба на третата позиција место се најдоа претставничките на Норвешка и на Австрија, Каиша Викхоф Ли и Корнелија Хутер, кои завршија со задоцнување од 0,33 секунди зад Басино.
🥇 𝗖𝗔𝗣𝗢𝗟𝗔𝗩𝗢𝗥𝗢 𝗗𝗜 𝗠𝗔𝗥𝗧𝗔 𝗕𝗔𝗦𝗦𝗜𝗡𝗢 🥇
L’azzurra è perfetta, una gara bellissima all’attacco: è campionessa del mondo in SuperG! 😍🎿🇮🇹#EurosportSCI | #FISAlpine | #courchevelmeribel2023 | #Bassino pic.twitter.com/v0MgxC5uPz
— Eurosport IT (@Eurosport_IT) February 8, 2023