Финансиската ситуација во Барселона го приморува водството на клубот да преземе радикални чекори во обид да заштеди 180 милиони евра за да може да регистрира играчи за следната сезона. Прв чекор ќе биде колективно намалување на платите на фудбалерите за 15 отсто, со што ќе се „ослободат“ околу 70 милиони евра од годишниот буџет на клубот, тврди „Релево“.
Фудбалерите кои имаат договор и по 2024 година, би добиле намалување на платата и „преметстување“ на долгот во подоцнежните сезони, а на фудбалерите чиј договор завршува во 2024 година, како Жорди Алба би му се понудило и едногодишно продолжување на договорот.
Покрај сите проблеми, преселбата на „Монжиук“ додека трае обновата на „Ноу Камп“ ќе значи дека клубот ќе загуби на 90 милиони евра од потенцијална заработувачка преку продажба на билети.