Регионалната АБА лига ја објави идеалната петорка за регуларниот дел од сезоната 2022/23. Претходно лигата објави дека МВП на сезоната е кошаркарот на Задар, Лука Божиќ.
Во идеалната петорка за сезоната 2022/23 доминираат играчите на Партизан кои завршија на првото место на табелата, а тројца од нив се во идеалната петорка.
Тоа се Данте Екзум, Кевин Пантер и Матијас Лесор, кој заврши на третото место во гласањето за МВП.
Покрај нив, тука е актуелниот МВП, Божиќ и Аргентинецот од Црвена звезда, Факундо Кампацо (беше втор по гласањето за најкорисен играч).
Најмногу гласови од тренерите, навивачите и новинарите доби Божиќ (17,9%), а потоа Лесор и Кампацо (13%), Ексум (7,5%) и Пантер (7,3%).
Од воведувањето на изборот на најдобра петорка во АБА лигата, во сезоната 2013/14, ова е првпат Партизан да има дури три претставници во истата. Имаа по двајца во споменатата сезона и една година подоцна (2014/15).
Звезда во сезоната 2016/17 имаше тројца играчи во надобрата петорка: Стефан Јовиќ, Чарлс Џенкинс и Марко Симоновиќ.
We are proud to present you the 2022/23 AdmiralBet #ABALiga Ideal Starting Five:
✅ Facundo Campazzo (@kkcrvenazvezda)
✅ Dante Exum (@PartizanBC)
✅ Kevin Punter (@PartizanBC)
✅ Luka Božić (@kkzadar)
✅ Mathias Lessort (@PartizanBC)More at: https://t.co/4c3VX2mQEE pic.twitter.com/3jhsAkb7Nn
— AdmiralBet ABA League (@ABA_League) April 27, 2023