Сонот кој се сонуваше 33 години, третата италијанска титула на Наполи, прва по ерата на Диего Армандо Марадона во 1990, ќе го почека своето реализирање, откако ниту преполниот стадион, кој сега го носи името на легендарниот Аргентинец, не беше доволен за победа над ривалот од југот, Салернитана, одигрувајќи 1:1
Откако претходно Интер со 3:1 го совлада Лацио, на Наполи им беше потребна победа за да избегаат на 20 поени предност пред второпласираниот клуб од Рим, а и покрај славеничката атмосфера, беа потребни час игра да дојдат во водство. Во 62. минута, само две минути откако во игра влезе и македонскиот репрезентативец Елиф Елмас, Уругваецот Матијас Оливера по еден корнер со силен удар со главата донесе 1:0 водство.
Но, кога се очекуваше да почне фештата во Неапол, Булаје Диа во 84. минута постигна апсолутно прекрасен гол за израмнување. Во следното коло, Наполи гостува кај Удинезе.
GOAL | Napoli 1-0 Salernitana | Mathias Oliverapic.twitter.com/jdy8vmpPTS
— VAR Tático (@vartatico) April 30, 2023
Le joli but signé Boulaye Dia face au Napoli ! 🎥
— 𝗝𝗼𝘂𝗲𝘂𝗿𝘀 𝗦𝗲́𝗻𝗲́𝗴𝗮𝗹𝗮𝗶𝘀 🇸🇳 (@JoueursSN) April 30, 2023
СЕРИЈА А, 32.КОЛО
Наполи – Салернитана 1:1
Сасуоло – Емполи 2:1
Кремонезе – Верона 1:1
The scenes from the streets of Naples as Napoli close in on their first Scudetto since 1990. 🔵 pic.twitter.com/bwowZWZ3Qz
— Football Talk (@FootballTalkHQ) April 30, 2023