Левиот бек на Работнички, Дин Аломеровиќ, ја продолжи верноста кон клубот. Тој и во наредните две години ќе биде дел од тимот на „романтичарите“.
„Аломеровиќ денеска се обврза на нова двегодишна верност кон ФК Работнички и ќе продолжи да биде еден од адутите на тренерот Милан Илиевски и во претстојната нова сезона 2023/24“, известуваат од ФК Работнички.
Тој минатата сезона беше еден од најстандардните фудбалери во составот на Работнички, одигра 28 натпревари во Првата фудбалска лига и забележа три асистенции.
Претходно, нов договор со ФК Работнички потпиша и Кире Маркоски.