Барселона ги следи настапите на играчот од средниот ред на Бетис, Гвидо Родригез. Каталонскиот тренер Чави Ернандез сака да го донесе 29-годишниот фудбалер во својот тим во зимскиот преоден рок.
Барселона донесе еден дефанзивен играч за врска во текот на летото, Ориол Ромеу од Џирона, но тренерот би сакал уште еден играч за врска.
Добрата вест за каталонскиот гигант е што на Аргентинецот му истекува договорот на крајот на сезоната, па може да биде доведен како слободен играч следното лето или за скромна сума оваа зима.
Гвидо Родригез дојде во Бетис во 2020 година од Клуб Америка. Брзо стана важен играч во тимот и има 149 настапи, седум гола и три асистенции.