Лука Дончиќ и Никола Јокиќ го завршија регуларниот дел од НБА сезоната 2025/26 со бројки што звучат нереално. Дончиќ ја освои титулата најдобар стрелец во лигата, додека Јокиќ испиша историјата, ја предводеше лигата во две статистички категории. Во просек имаше најмногу скокови и асистенции.
Дончиќ (33,5 поени во просек) стана најдобар стрелец во НБА лигата и тоа е негова втора титула најдобар стрелец во последните три сезони. Тој е исто така шестиот активен играч кој има повеќе од една титула најдобар стрелец, а ова е и трета сезона во неговата кариера во која просечно постигнува повеќе од 32 поени по натпревар.
Во исто време, Дончиќ влезе и во историјата на Лејкерси: тој стана петтиот играч на франшизата што ја освои титулата најдобар стрелец и првиот играч на клубот што го сторил тоа по Коби Брајант (2006/07).
Од друга страна, Никола Јокиќ (27,7 поени во просек) повторно ги помести границите, кога се работи за кошаркар кој игра на позициијата центар.
Јокиќ ја заврши сезоната со просек од 12,9 скока по натпревар (прв во лигата) и 10,7 асистенции по натпревар (исто така прв во лигата).
Така тој стана првиот играч во НБА што ја предводеше лигата во скокови и асистенции во една сезона од 1969/70, кога лидерите во тие категории официјално беа одредувани според просеците по натпревар. Трикратниот MВП продолжува да пишува историја, заклучува НБА.