Поминаа девет години откако Луј ван Гал беше отпуштен од клупата на Манчестер Јунајтед. Се добива впечаток дека Холанѓанецот никогаш не успеал да ја прифати одлуката на клубот.
Холанѓанецот го освои ФА Купот, а по само 24 часа беше отпуштен, бидејќи тимот не заврши меѓу првите четири во Премиер лигата.
На крајот, гол-разликата одлучи, а Манчестер Сити го зазеде местото пред Јунајтед.
Ван Гал верува дека целата ситуација добила дополнителна димензија поради обвинувањата поврзани со финансиското работење на градскиот ривал.
Неговото верување е дека историјата можеби ќе се одвивала поинаку доколку околностите во борбата за пласман биле еднакви.
„Во тоа време тоа веројатно беше одлучувачки фактор за мојот отказ во Манчестер Јунајтед и сите последици и страдања што произлегоа од тоа. Не можам да ја вратам историјата назад. Дури ни Фудбалската асоцијација не може да го стори тоа“, изјави Ван Гал за „Атлетик“.
Кога го прашаа каква казна треба да добие Манчестер Сити ако се утврди одговорноста на клубот, Ван Гал не сакаше однапред да суди. Одговорноста за конечната одлука ја остави на властите.
„Судијата ќе мора да одлучи.“