Никола Јокиќ и Џамај Мареј го предводеа Денвер до победа над Пеликанс, во Њу Орлеанс (116:108).
Јокиќ беше исклучителен. Тој забележа 26 поени, осум скока и 10 асистенции, заедно со три украдени топки. Канаѓанецот додаде 23 поени, седум скока и девет асистенции.
Српскиот центар и канадскиот плејмејкер станаа првите соиграчи во историјата на НБА што си поделиле повеќе од 1.000 асистенции откако оваа статистичка категорија беше официјално евидентирана, почнувајќи од сезоната 1997/98.
Според официјалните податоци, Јокиќ му асистирал на Мареј 1.001 пат, додека Канаѓанецот му асистирал на српскиот ас во 1.086 наврати.
NIKOLA JOKIĆ AND JAMAL MURRAY MADE MAJOR HISTORY TONIGHT.
They are the FIRST pair of teammates since tracking began in 1997-98 to record 1,000+ assists to each other 🤯
Jokić in DEN's W: 26p, 8r, 10a, 3s
Murray in DEN's W: 23p, 7r, 9a, 2b pic.twitter.com/h0TxxKdcAl— NBA (@NBA) November 15, 2026
Импресивната бројка уште еднаш потврдува колку е важна нивната соработка за играта на Денвер, но и колку долго трае континуитетот на еден од најуспешните тандеми во модерната кошарка.