Женската репрезентација на Чешка во тенис го освои Фед купот. Чешките тенисерки, на домашен терен во Прага, забележаа максимална победа 3:0 над САД.
Третиот бод на Чешка и го донесе Катерина Синијакова која по голема борба ја победи Софија Кенин со 7:5, 5:7, 7:5. Кенин во вториот сет не успеа да реализира две меч топки. Дуелот траеше три часа и 45 минути.
Претходно првите два бода на Чешка и ги донесоа Барбара Стрицова која ја надигра Софија Кенин 6:7, 6:1, 6:4, додека Катерина Синијакова со 6:3, 7:6 ја победи Алисон Риск.
Двете репрезентации беа ослабени во финалето, Чешка играше без Петра Квитова и Каролина Плишкова, а за САД не настапија Слоун Стивенс, Медисон Киз и сестрите Вилојамс.
Чешка шести пат во последните осум години го освои Фед купот.
? 2011
? 2012
? 2014
? 2015
? 2016
? 2018A 6th title in 8 years – the Czech Republic are #FedCup champions once again ??#FedCupFinal pic.twitter.com/7MFeecv664
— ITF (@ITF_Tennis) November 11, 2018