Top Sport

Facebook Twitter

Норвешка како „фурија“ преку Холанѓанките (видео)

Ракомет Makfax / 11.12.2018

Норвежанките покажаа зошто се актуелни европски шампионки, откако ја декласираа Холандија со 29:16 во претпоследното коло во втората фаза во групата 2, за да ги задржат шансите за пласман во полуфинале пред интересното последно коло.

По лошиот старт на шампионатот, Норвешка играше со цели сили против досегашното најпријатно изненадување на турнирот, Холандија, доминирајќи од почеток до крај за уште во првото полувреме да направат предност од осум гола (15:7).

Марит Јакобсен имаше пет гола, а по четири дадоа Раистад, Ауне и Офтедал, додека Холанѓанките ги предводеше Естевана Полман со четири гола. На голот на Норвешка блескаше Катрине Лунде со над 50% одбрани.

Сега, теоретски дури пет репрезентации утре ќе се борат за пласман во полуфиналето – Романија и Холандија (по 6 поени) и Норвешка, Германија и Унгарија (по 4 поени). Норвежанките почнуваат со отпишаната Шпанија во 15.45 часот, а многу работи ќе бидат појасни по дуелот Унгарија-Романија во 18 часот. Во 21 часот играат Холандија и Германија.

ГРУПА 2

Романија – Шпанија 27:25 (10:12)

Холандија – Норвешка 16:29 (7:15)

Табела: 1.Романија 6, 2.Холандија 6, 3.Норвешка 4, 3.Германија 4, 4.Унгарија 4, 6.Шпанија 0.

Scroll to Top