Македонската женска ракометна репрезентација ќе игра со Словенија во баражот за пласман за Светското првенство во 2019 година во Јапонија по одредената ждрепка во Париз.
Иако можеше да се паднат и потешки противници, Словенија не е слаба репрезентација, што покажа со учеството на Европското првенство во Франција, каде што испадна во групната фаза, но во меч кој не значеше многу беа подобри од финалистите Русија.
Првата средба ќе се одигра во Македонија во период меѓу 31.05.2019 – 02.06.2019 година, реванш натпреварот сениорките ќе го одиграат во Словенија во период од 04.06.2019 до 06.06.2019.
Македонија успеа да стигне до баражот за пласман на СП по освојувањето на групата во која беа Азербејџан, Турција и Исланд.
