Top Sport

Познати се петорките за „Ол-стар“ натпреварот

НБА лигата ги објави имињата на играчите кој ќе бидат во петорките на Источната и Западната конференција на „Ол-Стар“ натпреварот. Капитени на тимовите се Леброн Џејмс (Запад) и Јанис Адетокумбо (Исток).

Леброн Џејмс во своето прво учество на „Ол-Стар“ натпреварот како играч од Западната конференција, во петорката ќе ги има Стеф Кари и Кевин Дурент од Голден стејт, Пол Џорџ од Оклахома и Џејмс Харден од Хјустон.

Петорката на Источната конференција, покрај капитенот Адетокумбо ја формираа Кајри Ирвинг од Бостон, Кемба Вокер од Шарлот, Каваи Ленрд од Торонто и Џоел Ембид од Филаделфија.

Стартните петорки ги избраа навивачите, новинарите и кошаркарите. Имињата на резервите ќе бидат објавени за една недела. Во секој тим ќе има по седум резерви.

62. „Ол-Стар“ натпревар ќе биде одигран на 17.февруари во Шарлот.

Scroll to Top function disable_right_click() { echo ""; } add_action('wp_footer', 'disable_right_click');