Барселона вечерва ќе гостува во Лион, во рамките на првиот осмина-финален натпревар во Лигата на шампионите. Еден од адутите во нападот покрај Лионел Меси ќе биде и Уругваецот Луис Суарез, иако тој оваа сезона не игра во некоја блескава форма.
Уругваецот од почетокот на овој месец нема постигнато гол, а загрижува и податокот дека тој на натпреварите во Лигата на шампионите, кога гостувал со Барселона, нема постигнато гол три и пол години.
Последен пат во гости Суарез погодил на 16 септември 2016 година , во Рим, против Рома.