„Црвените ѓаволи“ од Манчестер Јунајтед синоќа со помош на ВАР технологијата успеаја да се пласираат во четвртфиналето во Лигата на шампионите, го елиминираа ПСЖ.
Шутираше Далот, топката несакајќи в рака го удира Кимпембе, по што судијата Скомина, со помош на ВАР системот покажува пенал во 92 минута од мечот при резултат 1-2 за Јунајтед.
Маркус Рашфорд е прецизен и го носи својот тим во четвртфинале, а Французите останаа да се расправаат со судиите и да жалат за пропуштеното.
Многумина екс-фудбалери дадоа свој суд за целата ситуација, дали наистина требаше судијата да покаже на белата точка. Своето мислење го изнесе и иконата на Ливерпул, Стивен Џерард.
„Мислам дека со ВАР многу работи се поправилни и поточни, нешто што е навистина добро за играта. Не е добро кога сте на спротивната страна како што беше случајот со ПСЖ. Кога јас првично ја видов ситуацијата, мислев дека е престрого, но ако ги погледнете правилата, тоа е правилната одлука. Затоа ВАР е толку важен за фудбалот. Без него, Јунајтед ќе беше надвор од ЛШ. За мене како фан на Ливерпул ќе беше добро, но сепак ќе беше неправда“ – рече Стиви Џи.
"I thought PSG were very hard done by"
Steven Gerrard reacts to #MUFC's Champions League triumph over PSG.
More: https://t.co/9hu2h6KEDN pic.twitter.com/jJMkoDRylQ
— Sky Sports Football (@SkyFootball) March 7, 2019