Пензионираниот двократен Формула 1 шампион, Фернандо Алонсо имаше тежок судир за време на тренинзите за Инди 500 трката во САД, откако ја загуби контролата и трипати удри во ѕидот на славната кружна патека.
37-годишниот Шпанец на 26 мај во Индијанаполис ќе се обиде да ја комплетира „тројната круна“ со победа на Инди 500, откако претходно триумфираше на 24 часа Ле Ман и на Монако ГП трката во Ф1. Тој ќе вози Мекларен 66 болидот.
По судирот тој бил примен во медицинскиот центар на патеката, но веднаш бил пуштен, по што се јави и на социјалните мрежи.
„Ова беше целосно моја грешка со потценување на патеката. Жал ми е за тимот и за момците кои сега ги очекува напорна работа. Но, лекцијата е научена и ќе се вратиме посилни“, напиша Алонсо на Твитер.
Fernando @alo_oficial was checked and released after this hard crash during #Indy500 practice at @IMS.#MustBeMay @INDYCAR pic.twitter.com/OE0EpnevOv
— IndyCar on NBC (@IndyCaronNBC) May 15, 2019
Mistake from my side underestimating the grip in T3 today. I’m sorry for the team and the guys that have to work a lot now. ? Lesson learned. ? . We will be back stronger later today or tomorrow. #indy500 https://t.co/LajbGhBM0j
— Fernando Alonso (@alo_oficial) May 15, 2019