Италијанскиот мотоциклист Франческо Бањаја ќе стартува од пол позицијата на утрешната МОТО ГП трка за Големата награда на Катар – прва од новата сезона.
На патеката „Лосаил“ Бањаја имаше најбрз круг со време 1:52.772, што претставува рекорд на патеката.
Втората позиција му припадна на Фабио Квартараро, а трет денешните квалификации ги заврши Маверик Вињалес.
Квалификациите ги одбележа 42-годишниот Валентино Роси кој заврши како четврти.
Age is just a number! ?
Can @ValeYellow46 challenge for his 200th premier class podium tomorrow? ? #QatarGP ?? pic.twitter.com/lL38M7U5Ts
— MotoGP™? (@MotoGP) March 27, 2021
Зад „докторот“ на утрешната трка која започнува во 19 часот ќе стартуваат Џек Милер, Жоан Зарко, Франко Морбидели, Алеш Еспаргаро, Алекс Ринс и Жоан Мир.
Bring on tomorrow!!! ?@PeccoBagnaia will start from pole position ahead of @FabioQ20 and @mvkoficial12! ?#QatarGP ?? pic.twitter.com/ZlsvG7JF0L
— MotoGP™? (@MotoGP) March 27, 2021
Интересно е што Зарко на четвртиот слободен тренинг пред првата трка од новата сезона постави рекорд на ова натпреварување. Тој ја постигна најголемата брзина во историјата на ова натпреварување – 362,4 километри на час.