Макс Ферстапен признава дека згрешил и дека тој е виновен за судирот со Себастијан Фетел на Кинеското ГП кое го чинеше место на подиумот и казна од 10 места.
Холанѓанецот во 43. круг имаше премногу оптимистички обид за претекнување на Фетел, и се судри со ривалот од Ферари и двајцата се извртеа. За ова тој доби казна од 10 секунди која го симна од четвртото на петтото место на крајот на трката.
„Забележав дека тој се мачи на гумите и се обидов да влезам со сопирачки доцна во кривината. Го удрив и секако тоа беше моја вина. Не го сакав тоа. Лесно е да се каже дека требаше да почекам, но во тој момент не мислев така“, вели Ферстапен.
Verstappen hace ‘strike’ contra Vettel. #CHNmovistarF1 pic.twitter.com/FK5VXPUkWo
— F1 en Movistar+ (@movistar_F1) April 15, 2018
По низата инциденти во првите три трки од сезоната, дел од ривалите посочија дека холандскиот ас на Ред бул треба да ја намали агресијата, но тој не се согласува.
„Лесно е да се коментира. Во моментов работите не одат како што треба, но дали тоа значи дека треба да се смирам. Не мислам така“, додава Ферстапен.
Sebastian Vettel chats with Max Verstappen after the race…
? @g3of1#ChineseGP ?? #Seb5 pic.twitter.com/nYMOqa4p4Y
— Sebastian Vettel #5 (@sebvettelnews) April 15, 2018
Фетел беше забележан како разговара со Ферстапен по крајот на трката, откако заврши на осмото место по инцидентот.
„Не го забележав додека не беше доцна. Покрај тоа имаше малку простор. Немав намера да му давам отпор бидејќи видов со Даниел Рикјардо дека нема поента и дека се пребрзи на свежи гуми. Но, тој направи грешка и лоша проценка и ги уништи резултатите за двајцата. Дали треба да се смири? Не знам, ова може да се случи и ако има 300 трки зад себе“, објаснува Фетел.