Екипата на Ред Бул го покажа болидот со ознаката „РБ16“ со кој ќе се обидат сезонава да ги освојат титулите во конкуренција на возачите и конструкторите.

Болидот во текот на денот ќе има и пробен тест на патеката „Силверстон“, а зад воланот ќе седи Макс Ферстапен, кој неодамна го продолжи својот договор до 2023 година.

Една недела подоцна, на патеката во Барселона, новото возило ќе го испроба и вториот возач Александер Албон.

Двајцата возачи за новата сезона ќе добијат и нови кациги.

Пред австрискиот тим своите болиди за новата сезона во јавноста ги презентираа Хас, Мерцедес и Ферари.

Новата сезона во Формула 1 ќе започне на 15 март со трката за Големата награда на Австралија, која се вози во Мелбурн.