Возачот на Петронас Јамаха, Фабио Квартараро, забележа најдобар резултат на вториот тренинг во пресрет на трката за Големата награда на Тајланд. На вториот тренинг на патеката во Буринам се појави и Марк Маркез, кој имаше страшен пад на првиот тренинг поради што беше префрлен во болница.
Актелниот шампион и лидер во генералниот пласман Марк Маркез времето помеѓу првиот и вториот тренинг го минал во болница каде имал детални прегледи на грбот и левата нога. Маркез на првиот тренинг целосно го уништи својот мотор.
На вториот тренинг Шпанецот забележа шесто време (1:30.891).
Инаку и на вториот тренинг доминираа возачите на Јамаха, само што Квартараро и Маверик Вињалес го заменија местата. Возачот на Петронас Јамаха возеше 1:30.404, а возачот на Јамаха 1:30.597. Третиот најдобар резултат го имаше колегата на Квартараро, Франко Морбидели (1.30.625).
? @FabioQ20 fastest on Friday in Thailand!
All four Yamaha riders finish inside the top five on day one in Buriram! ?#ThaiGP ?? pic.twitter.com/K6bIlwiWkI
— MotoGP™? (@MotoGP) October 4, 2019
Подобар од останатите беше Џек Милер на Прамак Дукати кој заврши на четвртото место, а зад него е уште еден возач на Јамаха, ветеранот Валентино Роси.