Top Sport

Facebook Twitter

Лоренцо „шефуваше“ и во Каталонија!

Автомото Makfax / 17.06.2018

Хорхе Лоренцо неодамна најави дека ќе замине од Дукати и ќе се пресели во Хонда, и тоа како да му ја „препороди“ кариерата, откако тој стигна до својата втора победа во низа на Каталонското ГП во Барселона.

Шпанскиот трикратен светски шампион првпат стигнува до две победи во низа во Мото ГП од трките во Ле Ман и Муџело во 2016 година, и секако носи насмевка на лицата на шефовите на Хонда, кои следната сезона ќе го имаат во својот тим.

Светскиот шампион Марк Маркез на Хонда, го зголеми водството во генерален пласман со второто место, додека Валентино Роси е трет за да има три последователни подиуми со својата Јамаха. Топ 10 ги комплетираат Кал Крачлоу (ЛЦР Хонда), Дани Педроза (Хонда), Маверик Вињалес (Јамаха), Жоан Зарко (Мовистар Јамаха), Данило Петручи (Прамак Дукати), Алваро Баутиста (Дукати) и Андреа Јаноне (Сузуки).

Лоренцо водеше во секој круг од трката која донесе многу „жртви“ – немаше доволно класификувани возачи во поени (топ 15). Маркез со второто место сега има 27 поени пред Маркез, додека Лоренцо и неговиот колега од Дукати, Андреа Довициозо (кој не ја заврши трката) заостануваат 49 поени зад Маркез.

Лоренцо му го предаде водството на Маркез на стартот, а го помина и Андреа Јаноне, но до крајот на кругот се врати на првото место. Возачот на Дукати не успеа да избега во следните неколку круга бидејќи Маркез беше блиску зад него, додека остатокот од ривалите беа веќе далеку по пет круга. По десетина круга борба, времињата на Маркез паднаа и беше јасно дека Лоренцо ќе дојде до убедлива победа.

Фото: ЕПА

Scroll to Top